رواية جزيرة الاناكوندا للكاتبه شيماء صبحي كامله
المحتويات
وارمه
حور كمان وارمه!
رشيد تعالي معايا هوريكي حاجه يمكن نفسيتك تهدي
هزيت راسي ومشيت معاها وروحنا في طريق جوا القصر وبعدها نزلنا سلم طويل لحدما وصلنا لمكان زي ورشه لقيت فيها لوح كتير مرسومه والي صدمني انها كلها ليا بصيت عليه
وقولت اي دا
رشيد بصلي وسكت وانا قربت من الصوره وانا مبتسمه وكان شكلها حلو اوي
رشيد هز راسه وقال انا اعرفك من قبل كدا علي فكره وقبل ما اعرف انك تبقي بنت المهندس أحمد اتقابلنا وانتي بصراحه عملتي معايا حركه جدعه جدا بس اختفيتي فجاه وانا قلبت عليكي الدنيا لحد ما بالصدفه شوفتك تاني وعرفت انك الي بدور عليها
استغربت جدا وقولت بس انا كانت اول مره اشوفك كان يوم لما كنت راكبه الاتوبيس!
فلاش باك
كنت راكبه تاكسي وفي طريقي لشغلي وكنت بطلب من السواق يسوق بسرعه علشان اتأخرت علي شغلي وفجاه لقيت الطريق وقف سألت باستغراب هو ايه الي بيحصل
السواق مش عارف يا انسه بس في عربيتين واقفين والظاهر كدا ان في خڼاقه هتحصل
استغربت جدا ونزلت اشوف فيه ايه لاقيت شاب لابس بدله ونظاره وباين عليه أجنبي لانه كان بيتكلم كلمه عربي والباقي انجليزي
هو في ايه يسطا لي موقف الطريق كدا
السواق انتي مالك انتي يا انسه دا واحد بيغلط فيا ولازم يتعلم عليه!!!
بصيت عليه بغيظ وقولت انت ازاي بتتكلم معايا كدا مش عارف انا بنت مين
السواق طيب اتكلي علي الله بق متخلنيش ازعلك انتي كملن
في الوقت دا اتعصبت وقولت دنتا قليل الادب بق ومش نافعك معاك الزوق!
وقولت هوانت اجنبي
هز راسه وانا بعدها قربت من السواق التاني انت بتقول انه شتمك
السواق التاني ايوا غلط فيا وانا مش هسيبه
قربت من سواق التاكسي وقولت انت مش هتنزل تقول حاجه يسطا سايبني اتكلم لوحدي
مسكت شنطتي بغيظ واخدت منها إسبري وقربت من الراجل دا وقولت
خد علشان تزعق فيا تاني ورشيت في عينيه
الراجل فضل ېصرخ من عينيه وانا جريت علي الشاب وقولت اتحرك بسرعه ومتخدش في بالك دي اشكال ضاله كلها وعلشان انت ساكت فكر انك ضعيف يلا بسرعه اتحرك
السواق بصلي پخوف وبسرعه كنا اتحركنا!
باك
رشيد وقتها انا فعلا كنت لسا نازل مصر وكانت لغتي المصريه ضعيفه وكنت هتفاهم معاه بس هو كان همجي اوي بس انتي قومتي بالواجب
بصيتلوا وفضلت اضحك لاني في اليوم دا كنت اول مره اټخانق وكنت ھموت واشوف ملامحه
رشيد انا طبعا اخدت عهد علي نفسي اني احميكي واردلك حقك ايا كان هو من مين
بصيت علي ملامحه بسرحان وقلت متشكره جدا يا رشيد علي الي عملتو علشاني بس انا والله اخدت صدمات كتير ورا بعض واكيد ان فاهمني
رشيد وقال انا فاهمك وبحبك
وشي احمر وبعدت عنه وانا بعدل شعري انا لازم امشي
رشيد ابتسم علي حركتها خدها وقال انا اوعدك اني هحل
كل حاجه بس انتي متتهوريش انا عارفك
هزيت راسي وابتسمت وخرجنا وبعدها ركبنا العربيه وانا كل شويه ابصله واول ما ياخد باله ابعد عيني!
وفي الشركة!!!
لميس خلصت شغلها وخرجت علشان تستني حور علشان يروحوا مع بعض ولاكن حور مخرجتش مسكت الموبايل واتصلت بيها وبعد وقت حور ردت
لميس انتي فين يا حور مخرجتيش ليه
حور انا ومستر رشيد خرجنا من بدري
لميس خلاص تمام انا بس قلقت عليكي
حور انا كويسه يا حبيبتي متقلقيش علي العموم علي اصلا كان قايلي انو هيجي ويوصلنا اكيد زمانه جاي!
لميس بجد هيجي !
حور بضحكة ايوا مالك خاېفه ليه
لميس انا مش خاېفه بس انا متوتره يا حور!!
حور متقلقيش دا علي محترم إساليني انا!
لميس بتوتر طيب اقفلي علشان وصل
حور يابنتي دا جوزك مټخافيش
لميس جوزي يعني اي جوزي انا اول مره اتجوز
حور بضحك يابنت المجنونه
لميس خلاص يا حور قرب وواقف قدامي انا هقفل
حور بضحك ماشي يا روحي اتهنوا بق!
لميس قفلت في وشها بغيظ وبصت لعلي الي كان واقف وبيقول امال فين حور
لميس مشيت بدري
علي بصوت واطي اول مره تعمل حاجه صح في حياتها
لميس بتوتر بتقول حاجه
علي لا ابدا اتفضلي انا هوصلك
لميس هزت راسها ومشيت جمبه وهوا فتحلها باب العربيه وهيا بصتله وقالت بصوت ناعم شكرا
علي ابتسم وقفل الباب وراح مكان القياده واتحركوا!!
في عربيه رشيد!
خلاص يا حور وصلنا
حور انتبهت للطريق وقالت تمام انا هنزل بق مع السلامه
رشيد بص علي ملامحها وقال خلي بالك علي نفسك وزي ماتفقنا انتي عليكي تسكتي وانا هحل كل حاجة!
هزت راسها بهدوء ونزلت
وبعدها رشيد ساق بعدما اطمن انها دخلت شقتهم
متابعة القراءة
