غصون فى مهب الريح بقلم عبير سليم
المحتويات
ده عنده ليه ان شاء الله
وعد ضياء ارحمني بقى شويه مش كده
ضياء طب انجري ادامي
وعد حاضر
تتمتم ببعض الكلمات
ضياء بتبرطمي بتقولي ايه
وعد ولا حاجه اديني انكتمت اهوه
يجرها من يدها و يدخلان القاعه و يجلسها بجواره
بعد قليل يدخل المحاضره و يلقي عليهم التحيه و ينظر لهما و هما يتشاجران و يبتسم عليهما و يبدأ في إلقاء المحاضره والجميع منصتون له
يصمت الجميع
انا عارف من غير ما تتكلموا بس اوقات في حاجات بتحصل فحياتنا بتكون خارجه عن إرادتنا بتوترنا
و بتأثر على تصرفاتنا بس طبعا المفروض إنكم تكونوا فاهمين إني استحاله اضركم ابدا احنا مع بعض من سنه أولى وان شاء الله السنه دي حتكون اخر سنه ليكم و مش عاوز اي حد يكون زعلان مني
الدكتور طب ياريت بقى اللي مسلمش البحث يسلمه عشان ياخد درجاته
تلتقي عينه مع عين وعد فيبتسم لها و يخرج من المحاضره
....................
بمنزل غصون حيث يأتى اليها المدرسون لإعطائها دروسها بالبيت و بالتأكيد أن فريده لن تتركها
فهمتي يا غصون
غصون أيوة يا مستر
غصون فهمت و الله
المستر وانتي يا فريده فهمتي
فريده أيوة طبعا يا مستر
المستر تمام يبقى اتفضلوا جاوبوا عالامتحان ده على ما اشرب القهوه
ينتهيان من حل الامتحان و يصححه لهما و يستئذن و ينصرف
فريده مالك يا غصون تعبانه
غصون حسه بشوية زغلله فعنيه
تأتي هبه سلامتك يا حبيبة ماما بابا حجزلك عند الدكتور و حنروحله بالليل ان شاء الله يا حبيبتي
هبه لا ياحبيبتي انتي كفايه عليكي كده احنا تعبناكي أوي انا و عمك محمود حنروح معاها ولمت نرجع حخليها تكلمك تطمنك
انا حجيبلكم بقى تاكلوا
غصون مليش نفس يا ماما مش عاوزة آكل
هبه غصون لازم تاكلي يا حبيبتي عشان علاجك الله يخليكي
فريده لو مأكلتيش مش حاكل
غصون لاء خلاص حاكل
تحضر لهما الطعام و يتناولان الطعام سويا ثم يأتي زين و يتصل على ابنته و تقبل صديقتها و تنزل له و تخبره عن حالها و ما تعانيه جراء ما حدث لها فيطمئنها والدها بأنها فتره و ستمر على خير
فيطلب منها زين أن تأتي إلى فيلته يوم الجمعه و سوف يذاكر معهما كما وعدهما قبل سابق
يأخذ محمود غصون و يوصلها الفيلا عند فريده و يسلم على زين و يمشي
و تظل غصون و فريده مع زين و يبدأ في المذاكره معهم و يشرح لهم و هو مستمتع جدا و غصون كانت سعيده لهذا الأمر الله شرح حضرتك حلو اوي يا اونكل ده أحلى من شرح المستر
زين طب بما ان شرحي عجبكم اوي كده اتفضلوا ياللا جاوبوا التمارين دي كلها على ما اروح اعمل تليفون و اجي
البنات ماشي
يتركهم و يقوم بالاتصال على زوجته كي يطمئن عليها حبيبتي يا صفا عامله ايه يا روحي
صفا الحمد لله انا بخير يا حبيبي طمني عليك انت و فريده عاملين ايه
زين احنا كويسين مش ناقصنا غير وجودك في وسطنا
صفا هانت يا حبيبي كلها يومين و ارجع ان شاء الله
و على فكرة الدكتور طمني و قاللي ان خلاص هانت و ان شاء الله الزياره الجايه حيعمللي التحاليل و الإشعات و احتمال كبير ماخدش علاج تاني
زين يارب يا صفا ان شاء الله يا حبيبتي ان شاء الله ربنا يكمل شفاكي على خير و ترجعيلنا و تنوري حياتنا
صفا ان شاء الله يا حبيبي
زين شاهي عامله ايه و ازي ولادها
صفا تمام الحمد لله مازن اخر سنه خلاص في الجامعه و كارما حتتخطب قريب
زين بجد الف مبروك
صفا الله يبارك فيك يا حبيبي عقبال ما نفرح بفريده يارب تفتكر يا زين حعيش لحد ما افرح بيها نفسي اوي اشوفها مع عريسها يا زين
زين ان شاء الله يا حبيبتي ان شاء الله حتفرحي بيها و تشيلي ولادها يا صفا
تسأله عن غصون ويخبرها بحالتها الصحيه وأنه مشفق عليها
يكمل معها المكالمه و يغلق الهاتف و يعود لهما و يكمل معهما المذاكرة و يتحدثوا سويا
حاول زين أن يتحدث إلى غصون كي يخرجها مما هي
بقولك إيه مش احنا ذاكرنا إيه رأيكم اخدكم افسحكم شويه
فريده ياريت يا بابي
غصون لاء انا عاوزة بابا ييجي ياخدني واروح
زين ليه بس يا غصون انا حفسحكم غصون مليش نفس
زين غصون انا مش عاوز اشوفك كده انتي عارفه ان غلاوتك عندي من غلاوة فريده في إيه مالك ضعيفه كده ليه و مستسلمه مالك يا بنتي انتي حصل معاكي إيه لكل ده جالك السكر وايه يعني احمدي ربنا غيرك مرمي فالمستشفيات و مش لقيينله علاج و بعدين حنروح بعيد ليه مانتي عندك طنط صفا اهيه بقالها كام سنه بتتعالج و بعيده عني و عن بنتها و عننا كلنا و مبتقلش غير الحمد لله
فوقي كده و حبي الدنيا حتحبك و تنسيكي تعبك
غصون والله يا اونكل انا ما عشان جالي السكر انا حسه اني متغيره حسه إني فية حاجه مش مظبوطه حسه اني عاوزة اعيط
تلتقطها فريده بحضنها طب لو الدموع حتريحك عيطي
يرق قلبه لحالها غصون ياحبيبتي مش حقولك عشان خاطر نفسك حقولك عشان خاطر ماما وبابا يا غصون اللي معندهمش غيرك غصون باباكي بقى طول الوقت في الشركه سرحان و مش مركز عشانك فوقي يا حبيبتي و حسسيسه انك بقيتي كويسه عشان حياتكم ترجع زي ماكانت
غصون حاضر يا اونكل
زين أيوة برافو عليكي ياللا بقى اتفضلوا قدامي و نشوف بقى حنعمل ايه
ياخدهم و يفسحهم و يشتريلهم حاجات كتير و يجيب لغصون زي فريده و يوصلوها لحد البيت
و يمشوا و تطلع غصون و تفرج مامتها و باباها الحاجات اللي جابهالها زين و يتصل محمود على زين يشكره عالحاجات اللي جابها لبنته و انه مكنش ليه لزوم يتعب نفسه كده لكن زين يقول له ان غصون زي فريده و ان غلاوتهم واحده و عقبال ما يجيبلها و هي عروسه
تدخل هبه لغصون إيه مش حتقيسي الحاجات اللي جبهالك زين
غصون بعدين ياماما انا تعبانه
هبه طب انا عاوزه اشوفهم عليكي ياللا بقى قومي البسيهم تضطر غصون انها تقوم تقيس الحاجات و هي بتقيس الهدوم
هبه الله حلوين اوي يا نونه قوليلي بقى الحاجات دي زوقك و اللا زوق فريده
غصون لانا و لا فريده دي زوق اونكل زين يا ماما
هبه معقوله الحاجات دي زوق زين ده انا قلت تلاقيه اصلا مكنش مقتنع بيهم و جابهم عشان عاجبينكم
غصون لا يا ستي كل الحاجات دي زوقه هو على فكرة يا ماما اونكل زين اسبور اوي و فاهم و عارف كل حاجه في الموضه و شيك اوي فكلامه و تعامله مع كل الناس يالهوي يا ماما لو شفتي الستات و هما عينهم عليه و احنا بنشتري
كل ما ييجي يحاسب و اللا يطلب حاجه من واحده تفضل تبصله و كأنها اول مره تشوف راجل
هبه ليه يعني كل ده ما هو راجل عادي زي كل الرجاله
غصون اونكل زين راجل عادي لا يا ماما الصراحه هو غير اي راجل عارفه يا ماما و هو بيفسحنا محستش ابدا زي ما بتفسح مع بابا مثلا لا خالص كنت حسه ان بتفسح مع ولد زميلي من سني بيجري و بيتحرك بسرعه كله نشاط و حيويه كان كأنه ماشي مع اخواته مش بنته و صاحبتها
هبه المهم انتي انبسطتي حبيبتي
غصون ايوة يا ماما انبسطت ماما انا كويسه متقلقيش علية
هبه ربنا يخليكي لية يا رب
غصون وميحرمنيش منك يا مزتي
هبه ايوة هي دي غصون حبيبتي
ياللا بقى نشيل الحاجات دي و تنامي عشان عندك دروس الصبح
غصون حاضر يا مامتي
تخرج هبه و غصون تقعد عالسرير و تحاول تقنع نفسها انها خلاص بقت كويسه و ان مفيهاش حاجة
تعلق الهدوم في الدولاب و تحاول تنام لكن تلاقي كل أحداث اليوم بتمر عليها و هي مبسوطه و فرحانه لحد ما عنيها تروح في النوم
بعد مرور عدة أيام تتصل عليها انتي فين يا فريده متصلتيش علية النهارده
فريده معلش حبيبتي اصل مامي رجعت من السفر
غصون بجد الف حمد لله على سلامتها يا فيري
فريده الله يسلمك يا قلبي بقولك ايه اعملي حسابك تيجي تقعدي معانا شويه انتي عارفه مامي بتحبك اد ايه
غصون أكيد طبعا حاجي دي طنط صفا حبيبة قلبي حقول لماما و اجي يا قلبي
تقول غصون لمامتها ان صفا رجعت من السفر و عاوزة تروحلها و مامتها تقوللها انها حتروح معاها و بالفعل اليوم التالي تاخدها و يروحوا يشتروا هدايا و يروحوا ليهم و صفا ترحب بيهم جدا ألف حمد الله على سلامتك يا حبيبتي
صفا الله يسلمك يا هبه وحشاني و الله
هبه انتي اكتر والله الف حمد لله على سلامتك و ربنا يتمم شفاكي على خير يا رب
صفا يارب يا هبه يارب
نفسي اوي اطمن على فريده و على نجاحها صعبان علية اوي اني مش معاها في أصعب مرحله فحياتها
هبه اطمني يا حبيبتي فريده مؤدبه و متربيه و عارفه مصلحتها كويس و انا متابعاها هي و غصون و الباشمهندس زين اوقات بيذاكرلهم و ان شاء الله ربنا يفرحنا بيهم و بنجاحهم و ان شاء الله نشوفهم عرايس و نشيل ولادهم ده احنا مطلعناش من الدنيا غير بيهم و ان شاء الله ربنا حيجبرنا فيهم
صفا يارب يارب...
.................
تجلس في غرفتها تتحدث إليه عبر الهاتف هههههههه و ربنا فارس ده سكر
فارس بصوت عال أيوة انا حثل يا وحت
وعد ياحبيبي يا فارس دي الحروف كلها عندك ضايعه
بس بردو عسل بقولك إيه يا ضياء
ضياء قولي يا قلب ضياء
وعد أنا عاوزة فارس ييجي يقعد معانا شويه لأن البيت هنا بقى لا يطاق الصراحه احنا بجد محتاجين حد زي فارس فحياتنا وخصوصا ماما لو قعد معاها فارس شويه حتنسى تعبها
ضياء هههههههه خديه احنا عاملين عرض اللي ياخد فارس ياخد معاه ازازتين حاجه ساقعه هديه
ثفتي يا وحت مث عاوثينني ختيني حنتك
وعد تعالى يا روح
متابعة القراءة
