جاري سداد الدين
أما ترجعي!
_ ياسيدي هو هيقول كلمتين وانا هسمعهم واسكت.. المهم نظبط ماما وبعدها همشي ..
ثم نظرت لوالدتها بابتسامة حنونة وبعدين ست الكل وحشتني أوي.. عاملة أيه ياماما ياجميلة .. أنتي كل يوم تحلوي!
أحمد بنفس المزاح قوليلها ياستي مش مصدقة وشها منور ولا البدر في تمامه!
هند امي طول عمرها قمر يا أحمد.. فاكر صاحب المخبز اللي جمبنا أما كان عايز يتجوزها وهيتجنن عليها..!
ضحكت هند وهي تشرع بخلع ملابس الأم برفق شديد طول عمرك بتغير يا أحمد.. ثم غمزت بعينها لوالدتها طب نعمل أيه وماما مزة من يومها..!
ابتسمت الأم لحديثهما المحبب وراحت تنعم بحنانهما ورعايتهما وبرهما الذي لا تحصل عليه من سواهما..!
هند انا من اسبوع أشتريت لماما شامبوهات وزيوت طبية وصابون معقم وحاجات شخصية عشانها .. ليه ناقصة في حد بيستخدمها غيرها.. المفروض تفضل معاها الشهر كله!!
هند والله ماعارفة.. حتى غيارتها الداخلية ناقصة فعلا وهدوم كنت جايباها ليها وجيت البسها منها مش لاقياها في دولابها.. انا والله مابغير هدومي إلا في بيتي يا أحمد ومابستعملش حاجة تخص ماما ابدا..!
هند يمكن مثلا فريال اخدت هدوم تغسلها لماما ونسبت تجيبها تاني هبقي اكلمها والصابون والشامبو في احتمال حد من أحفاد فريال يكون بيجي معاها وأكيد هو السبب أصلها دايما تقولي بيرموا الشامبو ويلعبوا بيه يعني افترض كده أصل نين هياخد حاجة ماما ومحدش غريب بيجي هنا..!
في منزل عبد لله!!
_ حلو أوي الشامبوا اللي جبتيه ده ياجوجو..!
رجاء وحياتك يا عبده ده غالي أوي بوفر من مصروف البيت وبجيبه.. وفي عندك. كمان زيت حلو جبته للبت علا عشان شعرها..!
_ أيوة كده أحبك وانت مدبر وعاقل ياجميل.. صحيح هو انتي روحتي لجدتي انهاردة ولا عايدة!
عبده بإمتنان طول عمرك بنت أصول ياجوجو.. معلش اهي زي جدتك وهتاخدي ثواب.. انتي عارفة أمي بتتعب من اقل حاجة..!
أجابت بتصنعاخص عليك ماتقولش كده دول في عنية الأتنين يلا بقى ياغالي عشان نتعشى مع العيال
_ مش عارف يا يمنى حاجات أمي الشخصية بتنقص بشكل غريب أنا بجيبلها حاجات غالية وكله من خير ابويا الله يرحمه ومعاشه الحكومي ومش بستخسر وبجيب اغلى أنواع
كل شهر مع علاجها.. بس بقيت الاحظ إن حاجات كتير بتنقص عندها..!
_ هو في حد غريب بيقعد معاها غيرك انت وهند وفريال مين هيطمع في حاجتها منكم!!!
أحمد بعين غائمة مسيري هعرف بيحصل أيه!!
تري ما الذي سينكشف عنه الستار أمام أحمد بالأيام القادمة..
