قصة ړعب
بصراحة كُل ما أفتكر جسمي يقشعر وبخاف جدًا .. إللي حصل مع جارتي كنت فاكراه بيحصل في القصص والأفلام بس وصعب يحصل ف الحقيقة .. بس كُنت غلطانة .
الموضوع بدأ لما بنت الجيران حملت .. وأمي جت وقالتلي ف اليوم ده :
_ البت أسماء ( طبعاً دا مش إسمها الحقيقي ) .. حامل في تؤأم بعد 16 سنة جواز .
فرحنالها جدًا خصوصًا انها صبرت كتير أوي هي وجوزها.
إستغربت بصراحة .. وكنت بقول لنفسي
إزاي دي حامل في تؤام وبتمشي عادي كده ومش بتتألم ولا باين عليها أي حاجة.. دا أنا حتى عرفت إنها مابتاخُدش علاج زاي أي حامل لما بتابع عند دكتور وبيكتبلها على ڤيتامينات ومقويات وكدا.
لما كُنت حامل في إبني محمد ماكُنتش بقدر حتى أمشي من تعب الحمل .
حتى أمي لاحظت وإستغربت جداً .. وبعدين دي كانت حامل ف الشهر السابع .
لحد ماعرفت من مرات أبوها إن كُلها كام يوم وتولد.. دعيتلها تقوم بالسلامة .
وفعلاً وأنا قاعدة بتفرج على التليفزيون سمعت صوت سارينة عربية إسعاف .. عرفت إن أسماء خلاص هاتولد .. وراحت عالمستشفي وجهزوها للعملية القيصرية .
بس كُل ما كانت تدخل العمليات .. تُصرُخ بأعلى صوتها وتقول پجنون :
_ لأ .. لأ أ أنا خاېفة .. عايزه أروح .. عايزه أروح هايموتني !!
كلامها كان في شيء من الجنون .. البعض أجمع على إن دا وضع طبيعي بالنسبة لأول مرة تولد .. فقالوا إنها خاېفة من العملية .. بس الغريب وإللي ماكنش حد فاهمهُ ( هو مين إللي عايز ېموتها دا ؟! ) .
وفضلت مُصرة علي إنها تمشي من المستشفي .. وفعلاً مشوها .. وفضلوا رايحين جايين بيها اليوم دا تلات مرات !.
لما عرفت قولت لمرات أبوها :
_ كدا غلط .. كدا ممكن لاقدر الله إللي بطنها يموتوا .. لازم تهدوها يمكن متوترة ولا حاجة .
ردت عليا وقالتلي :
_ والنبي يا أم محمد أنا مبقتش فاهمه دماغ البت دي .. دا إمبارح طول الليل قاعدة ف أوضتها لواحدها وسمعتها من برة بتتكلم مع حد ومافيش حد غيرها جوة أصلاً .. البت إتجننت خالص.. ومش عارفين ليه مش عايزه تولد وتخلصنا .. أنا خلاص احترت معاها مش عارفه اعملها إيه .
وعدى اليوم وتاني يوم عرفت إنها راحت علشان تولد بس الدكتور مالقاش نبض في العيال ! .
الدكتور طلب منها تعمل آشعة ف أسرع وقت .. عشان يشوف النبض وقف ليه ؟ .
لما سمعت بصراحة توقعت إن العيال ماتوا جوة بطنها .
وقعدوا اليوم كله ولا حس ولاخبر.. مسمعناش عنها حاجة .. روحتلها البيت عشان أطمن عليها .. كان في ناس كتير عندهم ومعرفتش أقابل أي حد عندهم .
بس أخوها طلعلي وطمني عليها وقالي هي كويسه قولتله ربنا يقومها بالسلامة .
وفجأة بعديها بيوم أصحى على صدمة وکاړثة فضلت أكتر من ساعتين مش مستوعبة لما أمي قالتلي :
_ إلحقي أسماء ماطلعتش حامل !!!.
كُنت لسه صاحية من النوم مش مركزة .. بس جُملتها صدمتني ولقيتني فتحت عيني على أخرهم وقولت لأمي بإستغراب :
_ نعم ! .. ماطلعتش حامل إللي هو إزاي .؟ .
انا إفتكرت انهُ حمل خارج الرحم مثلاً .. لكن لقيت أمي بتقولي :
_ بعد ماعملت الأشعة وكل حاجة الدكتور طلبها .. ولما شاف الآشعة قالها مافيش في بطنك عيال .
والله يا بنتي دا إللي حصل .
إتصدمت وفضلت أكلم نفسي زاي المچنونة .. على الرغم إن هي كانت متابعة مع دكتور نسا وكان بيخليها تشوفهم في السونار وقالها مبروك فيكي ولدين تؤام .
وبعدين إزاي دي من يومين كان فيها عيال وكان في نبض وفجأة النبض وقف .. راحوا فين يعني ؟ .
لقيت الإجابة على الأسئلة إللي ف دماغي لما أمي قالتلي وهي بتحضر الفطار :
_ دول جابولها شيخ إمبارح .. الشيخ عبد الغفور ما أنتي عارفاه .. جابوه علشان يقرأ عليها .. قعد يقرالها حوالي أربع ساعات ومشي .. ومن بعدها قعدت تبص عالحيطة شوية وعالسقف شوية وتقول لأختها إبعدي عني هياذولك عيالك وقالت لأختها الصُغيرة إلحقي إبنك ھيموتوه .
إبنها كان ولد لسه مكملش كام شهر وفعلاً جريوا عليه لقيوا عليه ست بطاطين وكان ھيموت والله .
اختها قالت انا اعرف شيخ كويس هيخلصها من اللي هي فيه ده وفعلا اتصلوا بيه وجه وجابوا واحد تاني معاه وبالفعل قعدوا يقرأولها وعرفوا انهُ جن عاشق قوي .. جالها لما بتفضل تقعد قدام المرايا كتير .. والأنيل من كدا كمان جوزها كان بيقرأ في كُتُب الجن والتحضير والأعمال وكدا .. وعرفوا ان هي فعلا كانت حامل .. بس كانت حامل من الجن !!!!!! .
وإن الجن اخد اولاده منها .
فضل الشيخ يقرأ هو وإللي معاه لحد ما قدروا بتوفيق من ربنا إنهم يخرجوه منها .. وخلوه كمان يعمل عُمرة ..وبعدها مشي وهي حالياً كويسة الحمدلله .
بس أهلها مش راضيين يروحوها مع جوزها .. وقالوله لما تحصن شقتك وتنضفها من اللي فيه والأهم تبطل إللي بتقراه هاتبقي ترجعلك .
اقسملك بالله ده كله حصل حقيقي عندنا وانا كنت بسمع الحكايات دي ومكنتش بصدقها غير لماحصلت قدامي فعلاً .
ملحوظة .. الجن هو اللي ماكنش راضي إنها تولد قيصري لإنهُ كان بيخوفها ويقولها ھتموتي وعلشان كدا كانت پتخاف و بتصرخ وبتقول هيموتني .. هي بنفسها إللي قالتلي الكلام دا .
وبس هي دي كل الحكاية الغريبة والمرعبة اللي حصلت لجارتي.
تمت…
