حمايا بيحطلي منوم في الشاي والسبب!!بقلم هويدا زغلول هويدا

حمايا بيحطلي منوم في الشاي كل يوم
تهاني 
خدي يا ملك الملفات دي عايزاكي تخلصيها عشان المدير كان محدش هيروح غير لما تخلص
ملك 
هو المدير ده معندهوش رحمه مش معاد شغل خلص مش المفروض نروح بقي ايه ده ياربي
تهاني 
هنعمل ايه هو اكل العيش كده مر كل واحد ربنا اداه حاجه بيدوس ميرحمش
ملك 
بس احنا مش هنسكت احنا لازم نتكلم معاه حتي يزودنا مش كمان بناخد شغل اضافي مفيش ايي زياده

تهاني
انتي عارفه ولا هيرضي يزود ولا ينيل هو لو لقاكي لحم هيرميكي عضم
ملك 
بالله لو كل واحد يتقي الله مكناش وصلنا لكده
تهاني 
طيب نخف رغي عشان بيبص علينا مش ناقصين يفتح بؤقك عليا اسكتي اسكتي
ملك 
أنا هروح اشو ف الملفات دي وانا مالي ومال شغل ده منا كنت قاعده ف البيت لازم يعني اعمل فيها الست اللي قادره علي تحدي
تهاني 
هههه يابت اسكتي شغال يبص عليكي اسكتااااااي
بطل الحكايه بتاعتنا اسمها ملك عندها 30سنه برغم من أنها جميلة بس متجوزتش لحد دلوقتي عايشة مع امها اختها 
كانت راجعه ملك من الشغل كالعاده تليفونها رن
نادية 
الو يا ملك ايه يا ملك كل تأخير ده قلقت عليكي خالص يابنتي قولتلك كذا مره لما تتاخري قولي متسبنيش اقلق عليكي كده
ملك 
والله ياماما نسيت خالص اطمنك عليا وانت عارفه تيلفون بعمله صامت علي عموم أنا جايه ف طريق عايزه حاجه اجبهالك وانا جايه
نادية 
لا عايزه سلامتك اهم حاجه خلي بالك من نفسك ولا اقولك لو لقيتي موز وانتي جايه هاتي تلاته كيلو
ملك 
حاضر ياماما هروح اسوق واجبلك يلا هقفل أنا
راحت ملك علي سوق عشان تجيب موز
ملك 
عايزه تلاته كيلو موز يا عمو
بياع 
احلي موز لأحلي انسه
ملك 
بكام ياعمو تفاح ده كمان
بياع 
الكيلو 40جنية عشان بلدي
ملك 
اومال لو مش بلدي هيبقي بكام هات الموز يا حج هات قال 40قال
بياع 
كل حاجه غليت وبقيت سم
ملك 
علي رايك والله يلا هنعمل ايه محدش ف أيده حاجه 
اخدت ملك الموز روحت 
ف البيت 
ملك 
أنا جيت ياماما عااااايزه أكل جعاااااانه يا النااااس
فريده 
اهو مش فالحه غير ف الاكل علي عموم امك محاضرة الاكل مستنياكي جوه روحي غيري عشان تأكلي
ملك 
اغير ايه انا هغسل ايدي واجي اكل مش قادره اغير فرهدت دلوقتي املي الكرش وبعدين نشوف موضوع تغير ده
فريده 
طول عمرك اهم حاجه عندك الاكل
نادية 
بطلي رغي وتعالي كلي عشان احنا مستنينكم من بدري
ملك 
انتو عاملين فراخ مشوية الله ايوه يابو مجدي يادلعني
ناديه 
بطلي كلام وركزي ف الاكل تعالي بعد ما تكلي نروح نقعد علي سطح شويه اعملكم موز باللبن
ملك وهي بتاكل 
ده سما وانا جايه صافيه اووي الهوي اااااااه روحي ياماما اعملي العصير روووحي
فريده 
احلي حاجه فيكي مش بعترضي علي حاجه اهم حاجه أنه فيه اكل او شرب وانتي دوسي علي طوول
ملك 
اهم حاجه المعده تبقي متغذيه غير كده شكليات
ف السطح 
نادية 
امسكي المفرش افرشيه كويس وانتي يا فريده امسكي العصير
ملك 
ااه واخيرا قاعدت بعد يوم طويل شايفين سما مليانه نجوم ازاي سبحان الله الواحد لما يكون مدايق بيبص علي سما نفسيه ترتاح
ناديه 
أنا جيباكي هنا عشان تهدي كده
ملك 
والله من ساعة ما قولتي هاتي موز باللبن قولت امي عايزاني ف موضوع واكيد أنا عارفه الموضوع فيه عريس
ناديه 
ايوه فيه عريس ابن خالك جاي يتقدملك قالي مش هيلاقي زيكي أنه شاريكي طلباتك كلها مجابة ها قولتي ايه موافقه صح 
ملك 
ابني خالي اللي ودانه عامله زي طياره ههههه وانا اخده اطير بودانه ده ولا اعمله ايه
نادية 
اهو ده اللي فالحه فيه كل ما يجيلك حد تقعدي تتريقي عليه يابت انا مش عيشالك علي طول وانتي كبرتي بقي